ده‌نگ نێت
بڕیاره له سه‌ره‌تاى ساڵی تازه‌وه پرۆژه‌ى چاككردنه‌وه‌ى ئه‌و زیانانه‌ى كه به‌هۆی بومه‌له‌رزه‌وه به‌ر به‌نداوى ده‌ربه‌ندیخان كه‌وتوه، ده‌ستپێبكات.
ره‌حمان خانی، به‌ڕێوبه‌ری به‌نداوی ده‌ربه‌ندیخان، به رادیۆى ده‌نگى راگه‌یاند: بۆ چاره‌سه‌ركردنی ئه‌و زیانانه‌ى له بومه‌له‌رزه‌كانى ساڵانى پێشو به‌ر به‌نداوی ده‌ربه‌ندیخان كه‌وتوه، ئه‌نجومه‌نی وه‌زیران بری 2 ملیار و 280 ملیۆن دینارى بۆ چاكسازیكردن له به‌نداوه‌كه ته‌رخانكردوه كه بڕیاره له سه‌ره‌تاى ساڵه‌وه كاره‌كانى ئه‌و چاكسازیانه ده‌ست پێبكات.
جه‌ختیشیكرده‌وه: ره‌زامه‌ندى له‌سه‌ر خه‌رجكردنى پاره‌كه دراوه و كاره‌كانى چاكسازیكردن له به‌نداوه‌كه سه‌ره‌تاى ساڵى نوێ ده‌ستپێده‌كات.
به‌نداوى ده‌ربه‌ندیخان به‌كاریگه‌ریی بومه‌له‌رزه به‌هێزه‌كه‌ى ساڵی 2017، زیانێكى زۆری به‌ركه‌وت له نمونه‌ى دروستكردنى درز له به‌نداوه‌كه، ئه‌مه‌ش وایكرد كه ئاستى هێشتنه‌وه‌ى ئاوى به‌نداوه‌كه كه‌متر بكرێته‌وه.