نیشانەکانی شێرپەنجەی سیەکان چین؟

2021/05/02 - 02:27 | 427 جار بینراوە    
 
ده‌نگ نێت
 
د.سەرکەوت خۆشناو پزیشکی راوێژکار بۆ چارەسەری گرێ و نەخۆشیەکانی شێرپەنجە باس له‌ نیشانە باوەکانی شێرپەنجەی سیەکان ده‌كات و ده‌ڵێت: کۆكه‌، نەفەس تەنگی، خیزەخیز لەگەڵ هەناسەدان، تفکردنەوەی خوێن یان هاتنی خوێن لەگەڵ بەڵغەم و سینگ ئێشە له‌ دیارترین نیشانه‌كانى نه‌خۆشیه‌كه‌ن.
 
ئه‌و پزیشكه‌ ئه‌وه‌ش ده‌خاته‌ڕو: ئەگەر گرێ شێرپەنجەییەکە بچێتە ناو (یان فشار بخاتە سەر) خوێنهێنەری گەورەی سنگ، ئەوا خوێنھێنەرەکە لەوانەیە تەسك ببێتەوە و خوێن باش پێدا هاتوچۆ نەکات، ئەوکات ئەو نیشانانەش دروست ئەبن: سەرئێشە و ئەستوربونی دەم و چاو و مل و باسك.
 
هه‌روه‌ها ئەگەر شێڕپەنجەکە بچێتە بەشی سەرەوەی سیەکان، لەوانەیە ئەو نیشانانەش دروست ببن: ژان لە شان و مل، وە لە باسك و داکەوتنی پێڵوی چاو و بێهێزی و لاواز بونی ماسولکەکانی دەست.
 
د.سەرکەوت خۆشناو، باس له‌وه‌شده‌كات: جگە لە شێرپەنجەی سیەکان، نەخۆشی دیكه‌ش لەوانەیە ئەو نیشانانە دروست بکەن، بەڵام ئەگەر یەکێك یان زیاتر لەو نیشانانەی سەرەوەت هەبو، ئەوا سەردانی پزیشکی پسپۆڕ بکە، بۆ نمونە پزیشکی پسپۆڕی شێرپەنجە، چونکە لەوانەیە ھۆکارەکەی شێرپەنجەی سیەکان بێت.
 
 
 



Dengnet.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 426,898     ژمارەی میوان 11