دەنگ نێت
ئەمڕۆ بانکی ناوەندی عێراق ئاشکرای کرد رێژەی هەڵاوسان لە وڵاتدا کەمیکردوە و لە (٤.٤٪)ـەوە بوە بە (٣.٧٪).
فەرمانگەی ئامار وتوێژینەوە لەبانکی ناوەندی عێراق باسی لەوەکردوە پارساڵ لە مانگی ئابدا رێژەی هەڵاوسان (٤.٤٪) بوە، بەڵام بۆئەمساڵ لەهەمان کاتدا دابەزیوەوە بۆ (٣.٧٪).
دەشڵێت: رێژەی هەڵاوسان لە عێراق لەئاستێکی گونجاودایە، بەتایبەت بەراورد بە وڵاتانی دەوروبەری عێراق، لەوانە: وڵاتی ئێران کە ڕێژەی هەڵاوسان تێیدا (٤٦٪)ـە، تورکیا (٥٧٪)ـە، ئیمارات (٣.٤٪) و سعودیە (٢.٤٪)ـە.
هەڵاوسان بریتییە لە زیادبون و بەرزبونەوەی نرخ بە گشتی بەرامبەر بە بەهای دراو "پارە"، بەمانایەکی تر، زۆربونی بڕی دراوەکە و کەمبونەوەی بەهاکەیەتی.