کۆمسیۆنی باڵای هەڵبژاردنەکانی عێراق دواخستنی هەڵبژاردنەکان رەتدەکاتەوە

2023/11/20 - 08:22 | 240 جار بینراوە    
 
دەنگ نێت
 
کۆمسیۆنی باڵای سەربەخۆی هەڵبژاردنەکانی عێراق رایدەگەیەنێت بەڕێوەچونی هەڵبژاردنی ئەنجومەنی پارێزگاکان لەعێراق ئەمجارە جیاواز دەبێت و هیچ نیەت و هۆکارێکیش نیە بۆ دواخستنی.
 
سەرۆکی تیمی رۆژنامەوانی کۆمسیۆنی باڵای هەڵبژاردنەکانی عێراق- عیماد جەمیل، رایگەیاند: کۆمسیۆن بەردەوامە لەکارەکانی بۆ ئەنجامدانی هەڵبژاردنی ئەنجومەنی پارێزگاکان لەکاتی خۆیدا و هیچ نیەتێک نیە بۆ دواخستنی و هیچ هۆکارێکیش نیە ئەنجامنەدانی لەکاتی خۆیدا.
 
جەختی لەوەشکردەوە: کۆمسیۆن ئامادەیە بۆ ئەنجامدانی هەڵبژاردنەکە، دڵنیایشی دا لەوەی "هەڵبژاردنەکە بەشێوەیەکی پاک و بێگەرد لەهەمو قۆناغەکانی بەڕێوەدەچێت".
 
بەشداری نەکردنی رەوتی سەدر و وەرگرتنەوەی ئەندامێتی لە سەرۆکی ئەنجومەنی نوێنەرانی عێراق ئەو دو گرفتەن کە وەک لەمپەر لەبەردەم ئەنجامدانی هەڵبژاردنی ئەنجومەنی پارێزگاکانی عێراق و بەدەمەوەچونی هاوڵاتیان بۆ بەشدارییکردن تێیدا وێنا دەکرێت، بەڵام کۆمیسۆنی هەڵبژاردنەکان رەتیدەکاتەوە هۆکارێک هەبێت بۆ دواخستنی هەڵبژاردنەکە کە بڕیارە  ١٨ـی مانگی داهاتو لە ١٥ پارێزگای عێراق بەڕێوەبچێت.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,615,381     ژمارەی میوان 1206