پسپۆڕێکی یاسای میدیا: پێویستە تانە لە رێنماییەکەی وەزارەتی رۆشنبیری بدرێت

2023/06/13 - 11:39 | 758 جار بینراوە    
 
دەنگ نێت
 
پسپۆڕێکی بواری یاسایی راگەیاندن رەخنە لە رێنماییە نوێکەی وەزارەتی رۆشنبیری هەرێم دەگرێت کە تایبەتە بە رێکخستنی کاری میدیایی، بەپێویستیشی دەزانێت لە داداگا تانەی لێبدرێت.
 
د.سامان فەوزی، لە میانەی بەرنامەی 'گفتوگۆی دەنگ'ـی رادیۆی دەنگ دا باسی لەوەکرد؛ رێنمای ژمارە یەکی ساڵی ٢٠٢٣ کە تایبەتە بە رێکخستنی کاری میدیایی و لەلایەن وەزارەتی رۆشنبییرییەوە دەرچوە، بەگشتی ئاڵۆزیی و پشێویی زیاتر بۆ کاری میدیا دروست دەکات و پێویستی بە هەڵوەشاندنەوەیە.
 
وتیشی: رێنماییەکان زۆر بە ئاسانی بۆشایی نەبونی پسپۆڕ و کەسانی شارەزای پێوەدیارە، کە پێویستە راوێژ بەوان بکرێت، نەک تەنها کەسانی نێو وەزارەتێک.
 
جەختی لەوەشکردەوە: رێنمایەکە بە پێچەوانەی یاسای ڕۆژنامەگەریەوەیە کە شتی وا هەرگیز نابێت، بۆیە پێویستە هەڵبوەشێندرێتەوە یان گۆڕانکاری تیدا بکرێت و لە دادگاش تانەی لێبدرێت.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,891,166     ژمارەی میوان 1044