دوبارە رۆژنامەنوس: ئومێد بەرۆشکی دەستگیرکرایەوە

2023/04/17 - 04:52 | 564 جار بینراوە    
 
دەنگ نێت
 
نوێنەری سەنتەری میترۆ لە بادینان، رایگەیاند: رۆژنامەنوسی ئازادکراوی بادینان: ئومێد بەرۆشکی، ئەمڕۆ جارێکی تر لە شاری دهۆک لەگەڵ هاوڕێیەکی دەستگیرکراوەتەوە.
 
ئەیهان سەعید، لەراگەیەنراوێکدا دەڵێت: ئەمرۆ کاتژمێر ٢ی دوای نیوەرۆ ھێزێک بەناوی ئاسایشی دھۆک و بەجلی مەدەنی و دوو ئۆتۆمبێل ھەلدەکوتنە سەر شوێنی حەوانەوەی رۆژنامەنوس ئومێد بەرۆشکی لە جاددەی K.R.O لە ناوەندی شاری دھۆک و لەگەڵ رۆژنامەنوس یاسر ئەبدولرەحمان دەستگیری دەکەن و ھەموو کەلوپەلە رۆژنامەوانیەکانی (سێ کۆمپیۆتەر، لاپتۆپێک، کامێرا و مایک) دەستبەسەر دەکەن و لەگەڵیان خۆیان دەیبەنە ئاسایش.
 
وتوشیەتی: دەستگیرکردن و رفاندنی ئومێد بەرۆشکی و یاسر عەبدولرەحمان بۆ ماوەی زیاتر لە کاتژمێرێک و بێ بڕیاری دادگا و بێ ئاگاداری سەندیکای رۆژنامەنوسان بووە لە کاتێکدا ئەمە دژی یاسای ژمارەی ٣٥ی رۆژنامەگەری کوردی یە.
 
پێیشیوایە "ھەوڵ و پیلانێکی دیکەیە ھەیە بۆ سەر رۆژنامەنوس و چالاکوانان لە پارێزگای دھۆک و بە تایبەتی ئەوای دوای سزایەکی نادادپەروەرانە ئازاداکراون".
 
ئومێد بەرۆشکی، یەکێک بو لە گیراوانی بادینان و لە ٢٠١٩ دەستگیرکرا و دوای ٢١ زیندانیی، لە شوباتی ٢٠٢٢ پاش تەواوکردنی ماوەی زیندانییەکەی، ئازاد کرا.
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,762,422     ژمارەی میوان 633