دەنگ نێت
سکرتێری گشتی حزبی دیموکراتی بەیتولنەهرەینی مەسیحی، رەتیدەکاتەوە ئەوان بەر بەستی بەردەم هەڵبژاردنەکان و دواکەوتنی بن، دەشڵێت: نازانم بۆ کراوین بە هۆکاری ئەنجامنەدانی هەڵبژاردن.
لەمیانەی بەرنامەی 'گفتوگۆی دەنگ'ـدا، ڕۆمیۆ هەکاری، سکرتێری گشتی حزبی دیموکراتی بەیتولنەهرەین کە پارتێکی مەسیحییە، وتی: ئێمە بەربەستی یەکەمی پێش هەڵبژاردنەکان و هۆکاری دواخستنی نین، بەڵام نازانین بۆچی کراوینەتە کێشە بۆ بەڕێوەنەچونی هەڵبژاردنەکان.
جەختی لەوەشکردەوە: باشتر بو دەرفەتیان بە خودی پێکهاتەکان بدایە کە لە پرۆسەی هەڵبژاردن دا چ ئالیەتێکمان پێباشترە، نەوەک لایەنەکانی دیکە قسەمان لەسەر بکەن، باشتر وابو سەردانمان بکەن، بەڵام نەکراوە.
وتیشی: هێشتا دوای یەک بازنەیی دەکەین، ئەمەش بۆ پاراستنی دەنگەکانمانە، بەڵام گفتوگۆکردن و دانیشتن لەگەڵ یەکتر، رەنگە زۆر گرێکوێرە بکاتەوە.