بێژەرێکی گەلی کوردستان: دوای ٢١ ساڵ خزمەت یەکێتی موچەکەی بڕیم

2023/01/01 - 08:27 | 533 جار بینراوە    
 
دەنگ نێت
 
بێژەرێکی کەناڵی تەلەفزیۆنی گەلی کوردستان دەڵێت: موچەکەیان بڕیوم، ئەمەش جۆرێکە لە جواب کردن.
 
ئەرسەلان پەرۆش، بە رادیۆی دەنگی وت: 21 ساڵە کادری یەکێتی نیشتمانیم، ئێستا موچە حیزبیەکەیان بڕیوم بەهۆکاری ئەوەی کە موچەی حکومیم هەیە و فەرمانبەری حکومەتم.
 
وتیشی: من موچەکەم لەمەکتەبی راگەیاندنی یەکێتی وەرگرتوە، چونکە سەربەوێم، ئێستە موچەکەیان بڕیوم.
 
ئەو باسی لەوەشکرد کە پێیان نەوتوە لە یەکێتی دەرکراوی، بەڵام بە وتەی خۆی "کە موچە حزبییەکەت ئەبڕن و ئەڵێن مەیەرەوە بۆ دەوام، ئەمە خۆی جۆرێکە لە جوابکردن".
 
دەشڵێت: کەس نیە بەخۆبەخش خزمەتی حزب بکات، ئەوانەی ئەندامی سەرکردایەتین موچە حزبیەکەیان ببڕە ئەڕۆنەوە بۆ ماڵەوە و دەوام ناکەن.
 
لەبارەی ئەوەی هەڵوێستی چی دەبێت؟ ئەرسەلان پەرۆش، وتی: جگە لەوەی راگەیاندنکاری یەکێتیم، کوڕی شەهیدیشم، جارێ بەس نیگەرانیمان هەیە و هیچی ترمان نیە.



Dengnet.net - 2023
دروستکراوە لەلایەن کۆمپانیای (کۆدتێك)ەوە
ژمارەی سەردان 993,602     ژمارەی میوان 14