دەنگ نێت
بریکاری وەزارەتی ئاوەدانکردنەوە دەڵێت؛ رێگایەکی نوێ لە نێوان دەربەندیخان- زەڕایەن دروست دەکەن و پرۆژەکەش تەندەرینی دەرچوە.
ئاگرین عەبدوڵڵا، بە ماڵپەڕی فەرمیی پارتی دیموکراتی وتوە: رێگایەکی بەدیل دروستدەکەین لە نێوان زەڕایەن و ناوتاق و دەربەندیخان، کە درێژییەکەی ٢٢ کیلۆمەترە و بودجەکەی ٨ ملیار دینارە.
وتیشی: رەزامەندی پرۆژەکە دراوە، تەندەرین بۆ کۆمپانیا دەرچوە، ئەگەر کەشوھەوا لەباربێت لە ماوەیەکی نزیکدا کارکردن تێیدا دەستپێدەکات.
بەوتەی خۆیشی ئەم رێگایە دەبێتە بەدیلی رێگای تونێلی دەربەندیخان کە حاڵی حازر داخراوە بەهۆی نۆژەنکردنەوەوە.