خەڵاتی نۆبڵی ئاشتی راگەیەنرا

2022/10/07 - 12:22 | 133 جار بینراوە    
 
دەنگ نێت
 
لیژنەی باڵای خەڵاتی نۆبڵی ئاشتی، ناوی براوەی خەڵاتی ئەمساڵی راگەیاند کە چالاکوانێک و دو دەزگای داکۆکیکاری مافی مرۆڤن.
 
هەریەکە لە: چالاکوانی بیلاروسی: ئەلێس بیالیاتسکی، دەزگای میمۆریاڵ لە روسیا و سەنتەری ئازادییە مەدەنییەکان لە کییەڤ/ ئۆکرانیا، براوی نۆبڵی ئاشتی ٢٠٢٢ بون.
 
ئەلێس بیالیاتسکی، یەکێک لە دامەزرێنەرانی بزوتنەوەی دیموکراسی کە لە هەشتاکانی سەدەی رابردو لە بیلاروسیا دەستیپێکرد و تائێستاش بەردەوامە. بەهۆی کارەکانییەوە لە ساڵی ٢٠١١ تا ٢٠١٤ زیندانی کرا و لە ٢٠٢٠یشەوە تائێستا بە بێ دادگایی کردن دەستگیر کراوە.
 
دەزگای میمۆریاڵ (مۆنۆمێنت) لە روسیا، کە لە ساڵی ١٩٨٧ـەوە دامەزراوە بۆ تۆمارکردنی ئەو تاوانانەی رژێمی کۆمۆنیستی ئەو وڵاتە دژ بە هاوڵاتیان کردویانە و ئەندریا ساخارۆخی چالاکی مافەکانی مرۆڤ کە پێشتر خەڵاتی نۆبڵی ئاشتی وەرگرتوە، لە دامەزرێنەرەکانی بو. رێکخراوەکە دواتریش بەردەوام بو لە تۆمارکردنی پێشێلکارییەکانی مافی مرۆڤ لە چیچان و روسیا.
 
سەنتەری ئازادییە مەدەنییەکان لە کییەڤ/ ئۆکرانیا، لە ساڵی ٢٠٠٧ دامەزرا بۆ پشتیوانی لە چەسپاندنی دیموکراسی و دوای هێرشی روسیاش بۆ سەر ئەو وڵاتە رۆڵێکی بەرچاوی گێڕاوە لە تۆمارکردنی پێشێلکارییەکان و تاوانەکانی جەنگی روسیا بەرامبەر هاوڵاتیانی مەدەنی.
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,677     ژمارەی میوان 33