ده‌نگ نێت
سه‌نته‌رى میترۆ بۆ داكۆكی له ئازادى رۆژنامه‌وانى رایده‌گه‌یه‌نێت لە هەرێمی كوردستان
هێزە ئەمنییەكان گۆڕەپانی خۆپیشاندانەكانیان گەمارۆ داوه و زیاتر له 70 پێشێلكارییش به‌رامبه‌ر به رۆژنامه‌نوسان تۆمار كراوه.
سه‌نته‌ره‌كه له راگه‌یه‌نراوێكدا ئاماژه‌ى به‌وه‌كردوه: 70 پێشێلكاری بەرامبەر بە 52 رۆژنامەنوس و كەناڵی راگەیاندن ئەنجامدراوە، كە بریتین لە: دەستگیركردن: 21 حاڵه‌ت، هەڵكوتانە سەر ماڵ: 4 حاڵه‌ت، رێگری: 16 حاڵه‌ت، برینداربون بە گازی فرمێسكڕێژ: 5 حاڵه‌ت، زەوتكردنی كەلوپەلی رۆژنامەوانی: 23 حاڵه‌ت و داخستنی كەناڵ: 1 حاڵه‌ت.
سەنتەری میترۆ ده‌ڵێت: لە كاتێكدا هەموو پێشێلكارییەكی مافی مرۆڤ، بە تایبەتیش ماف و ئازادی رادەربڕین و رۆژنامەگەری شەرمەزار دەكات، داوا دەكات دەستبەجێی دەسگیركراوانی بەر لە خۆپیشاندان و لەكاتی خۆپیشاندان ئازاد بكەن.