هه‌ڵگرانى ماسته‌ر و دكتۆرا له‌ هه‌رێم داواى دامه‌زراندن ده‌كه‌ن

2022/06/14 - 03:16 | 382 جار بینراوە    
 
ده‌نگ نێت
 
هه‌ڵگرانى بڕوانامه‌ى ماسته‌ر و دكتۆرا له‌ هه‌رێم داواكارن دۆسیه‌كه‌یان بخرێته‌ ئه‌جێنداى كۆبونه‌وه‌ى ئه‌نجومه‌نى وه‌زیرانه‌وه‌ به‌مه‌به‌ستى بڕیاردان له‌سه‌ر دامه‌زراندنیان.
 
ئه‌و هه‌ڵگرانه‌ى بڕوانامه‌ى ماسته‌ر و دكتۆرا، له‌ راگه‌یه‌نراوێكدا كه‌ وێنه‌یان بۆ رادیۆی ده‌نگ ناردوه‌، ئاماژه‌یان به‌وه‌كردوه‌: هه‌ریه‌كه‌ له‌ وه‌زاره‌ته‌كانى: دارایی، پلاندانان، خوێندنى باڵا ره‌زامه‌ندیان له‌سه‌ر دامه‌زراندنیان داوه‌ و به‌ڵكو وه‌زاره‌تى خوێندنى باڵاش دامه‌زراندنى به‌ پێویست زانیون به‌وهۆیه‌ى پێویستیان به‌ راژه‌كانیان هه‌یه‌ له‌ زانكۆ و په‌یمانگاكان دا.
 
به‌وته‌ى خۆشیان ئێستا دۆسیه‌كه‌یان له‌لای ئه‌نجومه‌نى وه‌زیرانه‌ و ئه‌وه‌ى ماوه‌ كه‌ بخرێته‌ ئه‌جێندای كۆبونه‌وه‌ى ئه‌نجومه‌نى وه‌زیرانه‌وه‌، بۆ ئه‌وه‌ى بڕیاری له‌سه‌ر بدرێت و ده‌ست به‌ دامه‌زراندنیان بكرێت.
 
ئه‌و هه‌ڵگرانه‌ى بروانامەى ماستەر و دكتۆرا كه‌ ئاماژه‌ به‌ ژماره‌یان نه‌كراوه‌، وه‌كخۆیان ده‌یڵێن لە ناوچە جیاوازەکانی هەرێمی کوردستان لە زاخۆ تا خانەقین لە ناوەوە و دەرەوەی وڵات لە نێوان ساڵانی ٢٠١٣ تا ٢٠٢٠ لەسەر ئەرکی دارایی خۆیان و خێزانەکانیان بڕوانامەیان بە دەست هێناوە و دواتر لەوەزارەتی خوێندنی باڵا بڕوانەماکانیان یەکسانکراوەته‌وه‌.
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 847,931     ژمارەی میوان 25