پارێزەرەکەی: چاوەڕێ دەکرێت ئەمڕۆ بێریڤان ئەیوب ئازاد بکرێت

2022/05/10 - 02:01 | 216 جار بینراوە    
 
دەنگ نێت
 
پارێزەری ژنە چالاکوانی دەستگیرکراوی بادینان: بێریڤان ئەیوب، رایدەگەیەنێت: بڕیاری ئازادکردنی بێریڤان دراوە و چاوەڕێ دەکەن ئەمڕۆ ئازاد بکرێت.
 
کارزان رەشید، پارێزەری بێریڤان ئەیوب، بە رادیۆی دەنگی وت: مامەڵەکانی ئازادکردنی بێریڤان ئەیوب تەواو بوە، چوەڕێ دەکەین لە یەک دو کاتژمێری داهاتودا ئازاد بکرێت.
 
بێریڤان ئەیوب، لە 13/10/2020 لە مۆڵێکی شاری هەولێر دەستگیر کرا و دادگا تۆمەتی تێکدانی 'ئاسایشی نیشتمانی' خستەپاڵ، بەوهۆیەشەوە و بەبێ دادگاییکردن 17 مانگە لەزیندان دایە، لەم ماوەیەشدا ھاوسەرەکەی لێی جیابوەوە و توشی نەخۆشی شەکرە ھاتوە و چەند جارێکی کەمیش رێگەی بینینی پارێزەر و کەسوکارەکەی پێدراوە.
 
بێریڤان ئەیوب، ھاوکات دایکی پێنج مناڵە.
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 847,911     ژمارەی میوان 29