مه‌ترسی ده‌كه‌وێته‌ سه‌ر ئه‌نجامدانى تاقیكردنه‌وه‌ى وه‌رزی دوه‌مى خوێندن

2022/03/27 - 10:54 | 722 جار بینراوە    
 
ده‌نگ نێت
 
لەپای پێنەدانی موچە و بەرزنەکردنەوەی پلەکانی مامۆستایان، ئەندامێکی ئەنجومەنی مامۆستایانی ناڕازی لة گەرمیان دەڵێت: مەترسی دەکەوێتە سەر ئه‌نجامدانى تاقیکردنەوەکانی وەرزی دوەم.
 
دواکەوتنی موچە و بەرزنەکردنەوەی پلەی مامۆستایان بوەتە هۆی ناڕەزایەتی بەشێكى زۆری مامۆستایان و لەئێستاش وادەی 10 رۆژیان به‌ حكومه‌ت داوه‌ بۆ پێدانی مافەکانیان.
 
نەبەرد ئەحمەد، مامۆستا و ئەندامى ئەنجومەنی مامۆستایانی ناڕازیی، بۆ رادیۆی دەنگ باسی لەوە کرد: ماوەیەکی دیاریکراو بە حکومەت دراوە بۆ جێبەجێی کردنی داواکانیان کە یەکێکیان دابەشکردنی موچەی مانگی سێیە لە سەرەتای مانگی نیسانەوە.
 
وتیشی: هێشتا بڕیاری یەکلاکەرەوە نەدراوە، بەڵام بەردەوامبونی کێشەکان کاریگەریی خراپی دەبێت و رەنگە تاقیکردنەوەکانی وەرزی دوەم بۆ ئەمساڵ نەکرێت و پێشوەخت کۆتایی به‌ بەپڕۆسەی خوێندن بهێنرێت.
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,809     ژمارەی میوان 586