دهنگ نێت
چوار رۆژنامهنوس كه سیانیان گهرمیانین، له دوێنێوه له سلێمانى له كاتى روماڵی خۆپیشاندانهكان دهستگیر كراون.
سایتی رۆژنیوز كه بارهگاكهى له سلێمانیه، رایگهیاند ههریهكه له پەیامنێرانی: بەرهەم لەتیف و بڕوا ئەسعەد، له دوێنێوه دهنگوباسیان نیه و پهیوهندیان پێیانهوه پچڕاوه و دواتر دهركهوتوه كه لهلایهن هێزه ئهمنیهكانهوه دهستگیر كراون.
هاوكات ههریهكه له: عەباس محەمەد، پهیامنێری کەناڵی بەغدادیە و راژان ماجد پهیامنێری کەناڵی ئیشراق، كه دو دهزگاى تهلهفزیۆنیی عهرهبی عێراقین، بهههمانشێوه دوێنێ لهكاتى روماڵی خۆپیشاندانهكان دا له سلێمانى دهستگیر كراون، كه ههردو رۆژنامهنوسهكه دانیشتوى خانهقینن.
لایخۆشیهوه، کاروان ئەنوەر، سکرتێری لقی سلێمانی سەندیکای رۆژنامەنووسان له راگهیهنراوێكدا ئاشكراى كردوه كه لهگهڵ لایهنه پویوهندیدارهكان له پهیوهندییدان و چاوهڕێ دهكرێت ئهمڕۆ ئازاد بكرێن.
ئهم زانیارییه، رەحمان غەریب، رێکخەری سەنتەری میترۆش جهختی لێكردهوه.