رێبەری سەلامەتیی دیجیتاڵی بۆ رۆژنامەوانان و چالاکوانان

2021/10/13 - 03:23 | 126 جار بینراوە    
 
ده‌نگ نێت 
 
رێکخراوی ئینتەرنیوز دوابەدوای پێشکەشکردنی چەندین راهێنان دەربارەی سەلامەتیی دیجیتاڵی بۆ بەشێکی بەرچاو لە رۆژنامەوانان و چالاکوانان لە هەرێمی کوردستان و عێراق، رێبەرێکی تایبەت بە سەلامەتیی دیجیتاڵی بۆ رۆژنامەوانان و چالاکوانان بەرهەم هێناوە. کە ئامانج لەو رێبەرە بەردەستخستنی زانیاریی تەکنیکی بنەڕەتییە لەبواری سەلامەتیی دیجیتاڵی بۆ رۆژنامەوانان و چالاکوانان، تاکو بتوانن لە کەشێکی سەلامەت و دور لەچاودێری، کارەکانی خۆیان لە رێگەی ئامرازە دیجیتاڵییەکان ئەنجام بدەن. 
 
ھەمو ئامێرێکی زیرەک کە رۆژانە ئینتەرنت بەکاربھێنێت، روبەڕوی ھەڕەشەو مەترسی زۆر دەبێتەوە، بەو پێیەی ئینتەرنێت پڕە لە بەرنامەی مەترسیدار و بەردەوام ئەو بەرنامانە ھەڕەشە دروستدەکەن لەسەر بەکارھێنەران، بۆ ئەوەی بەردەوام کۆمپیوتەر و مۆبایلەکان پارێزراو بن پێویستە کۆمەڵێک رێکار ھەن بەردەوام لەبەرچاو بگیرێن.  
 
ئەم رێبەرە چەندین بابەت لەخۆ دەگرێت کە بریتین لە: 
بنەما سەرەکییەکانی پاراستنی کۆمپیوتەر و مۆبایل
لەناوبردنی بەرنامە مەترسیدارەکان
چۆنییەتی دروستکردنی وشەی نهێنی (پاسوێرد)ی بەهێز 
چونەژورەوە بە دو هەنگاو
گەڕانی شاراوە لەناو ئینتەرنێت
پەیوەندی پارێزراو
سڕینەوەی زانیاری بەشێوەی سەلامەت و یەکجارەکی
بەکۆدکردنی زانیاری
راوکردن (Phishing) و جۆرەکانى 
 
لە رێگەی ئەم لینکەی خوارەوە دەتوانیت ئەم ڕێبەرە داونلۆد بکەی: 
 
 



Dengnet.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 390,133     ژمارەی میوان 15