دواى 3 ساڵ گۆڤارى "ئیلیان" ده‌گه‌ڕێته‌وه‌

2021/01/19 - 04:23 | 414 جار بینراوە    
 
ده‌نگ نێت
 
دواى 3 ساڵ له‌ وه‌ستان، گۆڤارى ئیلیان جارێكى تر ده‌ست به‌كار ده‌كات و نوێترین ژماره‌ى به‌ 425 لاپه‌ڕه‌وه‌ بڵاوده‌بێته‌وه‌.
 
به‌پێی راگه‌یه‌نراوێكى گۆڤارى ئیلیان كه‌ بۆ ده‌نگ نێت نێردراوه‌، ژمارە حەوتی ئیلیان لە دوتوێی 425 لاپەڕەدا و بە گورزێک  چیرۆک و خوێندنەوە و چاوپێکەوتن و لێکۆڵینەوە و راڤەوە ئامادەیە و لە چاپخانە هاتوتەوە، لەم چەند رۆژەدا لە کتێبخانەکانی باشور و رۆژهەڵاتی کوردستان به‌رده‌ست ده‌بێت.
 
ئاماژه‌ى به‌وه‌شداوه‌ ژماره‌ى نوێ، لە تەنیشت ستافی بەڕێوەبەرانی گۆڤارەکەوە، (36) وەرگێڕ کاریان لە ئامادەکردنی دا کردوە.
 
ئیلیان یەکەمین گۆڤاری تایبەت بە وێژەی گێڕانەوە و ئەو بابەتە تیۆرییانەیە وا گرێدراوی ئەدەبییاتی گێڕانەوەن. هاوینی ساڵی 2015 ژمارەی یەکەمی بڵاو بوەتەوە. له‌ماوه‌ى 2 ساڵ دا 6 ژمارە و پەڕتوکێکی  بڵاو کردوەتەوە. بەهۆی خراپی دۆخی دارایی گۆڤارەکەوە کە بەڕێوەبەرانی گۆڤارەکە خۆیان تێچوی چاپ و ئەرکی دیزاین و دابەشکردنیان لەئەستۆ گرتوه‌، گۆڤاره‌كه‌ له‌ بڵاوبونه‌وه‌ وه‌ستا.
 
وه‌ك له‌ راگه‌یه‌نراوه‌كه‌دا هاتوه‌، دوای پتر لە سێ ساڵ، گۆڤاره‌كه‌ بە هەندێك بەرنامە و پلانی تازەوە درێژە بە وەشانی خۆی دەدات و دەشیانه‌وێت پڕۆژەیه‌كى درێژمەودا بێت.
 
 
 



Dengnet.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 426,947     ژمارەی میوان 17