ده‌نگ نێت
تیمى پارێزه‌رانى بادینان ئاشكرایده‌كه‌ن كه به نایاسایی سزادراوانى بادینان له زیندانه‌كانى ئاسایشدا هێڵراونه‌ته‌وه و مامه‌ڵه‌ى خراپیان له‌گه‌ڵدا ده‌كرێت.
به پێی راگه‌ینراوێكى تیمى پارێزه‌رانى سزادراوانى بادینان كه تێیدا هاتوه: سزادراوانی بادینان (ڕۆژنامەنوس و چالاکوانان ) زۆر ئەزیەت دەدرێن و فشاری زۆیان بۆ دەهێنرێت.
ئاماژه‌شیان به‌وه‌كردوه: بارودۆخی تەندروستی و شوێنی حەوانەوە و مامەڵەی کارمەندانی ئیدارەی زیندانی ئاسایشی گشتی هەولێر لەگەڵ سزادراوانی بادینان لەو پەڕی خراپیدایە و دورە لە هەمو بەها ئینسانییەکان و هیچ رەچاوی مافەکانی زیندانیانیان لەگەڵ ناکرێت.
تیمى پارێزه‌رانى سزادراوانى بادینان داواش ده‌كه‌ن: بە زوترین کات بگوازرێنەوە بۆ چاکسازی گەورانی هەولێر یاخود چاکسازی زەڕکا لە دهۆک کە بەپێی یاسا دوای سزادانی هەر راگیراوێک دەبێ بگوازرێنەوە چاکسازی و وەک هەر زیندانیانی تر مامەڵەیان لەگەڵدا بکرێت.
جه‌ختیان له‌وه‌شكردوه‌ته‌وه: هێشتنەوەیان لە زیندانی ئاسایش نایاساییە.