"یه‌ك دونیا قاره‌مان بۆ رێكه‌وتن له‌گه‌ڵ به‌غدا په‌یدا بوه‌"

2021/04/01 - 07:05 | 703 جار بینراوە    
 
ده‌نگ نێت
 
بودجه‌ په‌سه‌ند كرا و هه‌ر به‌رپرس و لایه‌نه‌ له‌لای خۆیه‌وه‌ ناردنى په‌یامى پیرۆزبایی ده‌ستپێكرد، رۆژنامه‌نوسێكیش ده‌ڵێت یه‌ك دونیا قاره‌مان بۆ رێككه‌وتن له‌گه‌ڵ به‌غدا په‌یدا بوه‌.
 
له‌ دوێنێوه‌ و پاش ئه‌وه‌ى بودجه‌ى ساڵی 2021ى عێراق له‌ ئه‌نجومه‌نى نوێنه‌ران تێپه‌ڕێنرا، زۆربه‌ى كه‌سه‌ یه‌كه‌م و به‌رپرسه‌ باڵاكانى هه‌رێم په‌یامى پیرۆزباییان ناردوه‌، له‌وانه‌: مه‌سعود بارزانى، نێچیرڤان بارزانى، مه‌سرور بارزانى، قوباد تاڵه‌بانى و لاهور جه‌نگى، كه‌ هه‌مویان وه‌كو ده‌ستكه‌وت له‌ په‌سه‌ندكردنى بودجه‌یان روانیوه‌.
 
لایخۆشیه‌وه‌ رۆژنامه‌نوس كه‌مال چۆمانى، ره‌خنه‌ له‌م مامه‌ڵه‌یه‌ى به‌رپرس و لایه‌نه‌كان ده‌گرێت و ده‌ڵێت: یه‌ك دونیا قاره‌مان بۆ رێككه‌وتن له‌گه‌ڵ به‌غدا په‌یدا بوه‌.
 
چۆمانى هه‌روه‌ها ده‌شڵێت:ده‌ستى هه‌موتان خۆش، به‌ڵام بیرتان نه‌چێت هیچ كاتێك هه‌رێمى كوردستان كێشه‌ى نه‌بونى بودجه‌ و پاره‌ى نه‌بوه‌، به‌ڵكو كێشه‌ى ئیداره‌دانى بودجه‌ و سه‌رچاوه‌كانى هه‌بوه‌.
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,304     ژمارەی میوان 450