دەنگ نێت
لەناحیەی شێخ تەویلـی سەر بە قەزای کەلار، ٦ برا لەسەر کێشەی زەویوزار بەشەڕهاتون، برایەک گیانی لەدەستداوە و دوانی تریشیان برینداربون.
وتەبێژی بەڕێوبەرایەتی پۆلیسی گەرمیان، عەلی جەمال، بۆ رادیۆی دەنگ وتی: کێشەکە ئێوارەی ئەمڕۆ رویداوە و لەسەر زەویوزار بوە لەنێوان ٦ برادا کە بون بەدو گروپی یەکسانەوە.
وتیشی: شەڕ و گرژی کەوتوەتە نێوانیانەوە و تەقەیان کردوە، بەوهۆیەوە یەکێکیان کوژراوە و دوانیان بریندار بون.
ئاماژەی بەوەشکرد: لە ئێستادا فەرمانی دەستگیرکردن بۆ ۳ براکەی تریش دەرچوە.