دەنگ نێت
دواى ١٠ ساڵ تاوهكو ئێستا نهتوانراوه ئهو پرۆژه گهشتیارییهى كه له بهرلوت دروست كراوه و ٦٠٪ـی كارهكانى تهواو كراوه، تهواو بكرێت، بهڕێوبهرى گهشتوگوزارى گهرمیانیش دهڵێت: دوباره تهندهرینى بۆ دهكهینهوه.
هێرش فهیزوڵڵا، بهڕێوبهرى گشتی گهشتوگوزارى گهرمیان، بۆ رادیۆى دهنگ باسى لهوهكرد: ئهو پرۆژهیه له ساڵى ٢٠١٤ـەوە بڕیارى دروستكردنى لێدراوه و له ٦٠٪ـی كارهكانى تهواو كراوه.
وتیشى: ئهو پرۆژهیه له ئێستادا پێویستى به دو گوژمهى ٢٠٠ ملیۆن دینارى ههیه، كه رهزامهندى خەرجکردنی ٢٠٠ ملیۆن دیارى بۆ وهرگیراوه و ٢ ساڵه كردومانه به چهك بۆ كۆمپانیا، بهڵام كه دهچێته بانك بۆى خهرج ناكرێت بههۆى نهبونى پارەی نەختینەوه.
هێماى بۆ ئهوهشكرد: بهوهۆیهشهوه كۆمپانیا هیچ هیوایەکی نهما و پرۆژهكهى رادهستكردینهوه، ئێستاش چاوهڕوانى رێكارى كۆتایی رادهستكردنهكهین و ئهستۆپاكى بۆ كۆمپانیا بكهین و لێى وهربگرینهوه، دواتر تهندهرینى بۆ دهكهینهوه له رێگهى زیادکردنەوه و دهیدهین به وهبهرهێنێكى نوێ.