دەنگ نێت
نرخى كیلۆیهك ماسى له بازاڕدا بهرزبوهتهوه بۆ 9 ههزار دینار، بهڕێوبهرى بەڕێوبەرایەتی چاودێرى بازرگانى گهرمیانیش دهڵێت: هۆكارهكهى ئهوهیه خواست لهسهرى زۆره و بهرههم كهمه.
حیكمهت ئهحمهد، بهڕێوبهرى بهڕێوبهرایهتى چاودێرى بازرگانى گهرمیان بۆ رادیۆى دهنگ وتى: هۆكارى بهرزبونهوهى نرخى ماسى له ئێستادا پەیوەندیی هەیە بە خواست و خستنەڕو، بەوهۆیەی لە مانگى رهمهزاندا خواست لهسهر ماسى زیادیكردوه و بهرههم كهمه، چونكه له ئێستادا وهرزى قهدهغهكردنى راوه ماسییه.
وتیشى: هاوكات بهشێكى زۆرى كیڵگهى ماسییهكان توشى نهخۆشى ڤایرۆسى بون، له ئێستاشدا بهرههم نیهخ بهڵكو وهرزى دانانى پهنجه ماسیه، ئهمهش وایكردوه بهرههم كهم ببێتهوه.
دهشڵێت: هاوكات باج لهسهر هاوردهكردنى ماسى دانراوه، چونكه له خواروى عێراقهوه دێت، ئهمهش بۆخۆى كاریگهرى كردوهته سهر بڕى بهرههم له سنورهكه.