دەنگ نێت- هونەر ئەحمەد
دوای ساڵێک لەوەستاندنی بەهۆی نەبونی سیولەوە، بڕیارە کارکردن لە پڕۆژەی قیرتاوکردنی گەڕەکی راپەڕینی قەزای کفری دەست پێبکاتەوە، سەرۆکی شارەوانییش دەڵێت: بەڵێندەر وەریگرتوە بەو مەرجەی بودجەی بۆ تەرخان بکەین.
دوای ئەوەی ماوەی ساڵێکە پڕۆژەی قیرتاوکردنی گەڕەکی ڕاپەڕینی قەزای کفری بریاری قیرتاوکردنی درا، بەڵام بەهۆی نەبوی سیولەوە کاری تێدانەکرا.
ئەندازیار: عەلی خورشید، سەرۆکی شارەوانی کفری، بە رادیۆی دەنگی وت : ساڵی پار پرۆژەکە دەرخستەمان بۆ ئامادەکرد و وەرگیرا، بەڵام بەهۆی نەبونی سیولەوە دەستبەکارنەبون لە پڕۆژەکەدا.
دەشڵێت: بەڵام ئەوە نزیکەی هەفتەیەکە بەڵێندەر ئامادەیی دەربڕیوە کە گرێبەستەکەی بکات و دەستبکات بەکارکردن تێیدا، بەڵام بەو مەرجەی کە بتوانین لەرێگەی سەروی خۆمانەوە بودجەی بۆ تەرخان بکەین.