بە ٢ هۆکار زەنگی ساڵی نوێی خوێندن لە کفری لێنەدرا

2023/09/13 - 02:25 | 513 جار بینراوە    
 
دەنگ نێت
 
بڕیار بو ئەمڕۆ لە قوتابخانەی رزگاری لە کفری قایمقامی قەزاکە زەنگی دەستپێکردنی ساڵی نوێی خوێندن لێبدات، بەڵام نەکرا، بەڕێوبەری پەروەردەی کفری دەڵێت: نامانتوانی زەنگەکە لێبدەین و رامانگرت، بەڕێوبەری قوتابخانەکەش دەڵێت: دو هۆکار هەبوە.
 
زەنگی دەستپێکردنی ساڵی نوێی خوێندن لە بەشێک لە قوتابخانەکانی گەرمیان لێدرا، بڕیار بو لە قەزای کفری زەنگی دەستپێکردنەکە لەلایەن قایمقامی کفریەوە لێبدرێت لە قوتابخانەی رزگاری، بەڵام نەکرا و دواخرا.
 
نورەدین حەمید، بەڕێوبەری قوتابخانەی رزگاری لە قەزای کفری بۆ رادیۆی دەنگ وتی: دو هۆکار وایکرد زەنگی دەستپێکردنی ساڵی نوێی خوێندن لە قوتابخانەکەمان لێنەدرێت، یەکەمیان نۆژەنکردنەوەی قوتابخانەکە و دومیان بایکۆتی مامۆستایانە.
 
وتیشی: هۆکاری سەرەکی راگیرانی لێدانی زەنگی دەستپێکردنی خوێندن نۆژەنکردنەوەی قوتابخانەکەمان بو، بەڵام بۆ بابەتی بایکۆتیش دوای نۆژەنکردنەوەی قوتابخانەکە کۆبونەوە دەکەین و واژو کۆدەکەینەوە بۆ بڕیاری کۆتایی بایکۆتکردن.
 
لە بەرامبەردا بەڕێوبەری پەروەردەی کفری بەرادیۆی دەنگی راگەیاند: ئەو قوتابخانەیەی داماننابو لەنۆژەنکردنەوەدایە، ئیتر نەمانتوانی لەوێ زەنگەکە لێبدەین و رامانگرت. 
 
ئیسماعیل سەمین، وتیشی: بەشێک لەقوتابخانەکانی قەزای کفری بایکۆتی دەوامیان کردوە و بەشێکیش دەوامی ئاساییان دەستپێکردوە، ئەگەر مامۆستایانمان بایکۆتیان کرد پشتگیریان دەکەین و ئەگەریش نا سوپاسیان دەکەین.
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,900,663     ژمارەی میوان 2741