دەنگ نێت
به‌ڕێوبه‌رى بەڕێوبەرایەتی ئاوى ده‌وروبه‌رى گه‌رمیان ده‌ڵێت: 8 پرۆژه‌مان هه‌یه كه راسته‌وخۆ له‌لایه‌ن خۆمانه‌وه جێبه‌جێده‌كرێت، به‌ڵام به‌هۆى نه‌بونى پاره‌ى نه‌ختینه‌یه‌وه وه‌كپێویست كارى تێدا نه‌كراوه.
نه‌وزارد حه‌مید، بۆ رادیۆى ده‌نگ وتى: له سنورى گه‌رمیان نزیكه‌ى 8 پرۆژه‌مان هه‌یه كه راسته‌وخۆ جێبه‌جێ ده‌كرێت و پێویستى به پاره‌ى نه‌ختینه‌ییه بۆى خه‌ربكرێت، به‌ڵام نه‌كراوه، به‌جۆرێك پرۆژه‌ى وامان هه‌یه له %20ـی بودجەکەی بۆى ته‌رخان كراوه.
له باره‌ى گوژمه‌ى ئه‌و پرۆژانه‌وه كه چه‌نده؟ وتی: گوژمه‌ى پرۆژه‌یه‌ك بۆ پرۆژه‌یه‌كى دیكه ده‌گۆرێت، پرۆژه‌ى وامان هه‌یه پێویستى به 20 ملیۆن دیناره هى واشمان هه‌یه پێویستى به 40 ملیۆن دیناره.
هێماى بۆ ئه‌وه‌شكرد: ساڵانه پلانى تایبه‌ت به خۆیان هه‌یه بۆ ئه‌نجامدانى پرۆژه، به‌ڵام به‌پێى ئه‌و پلانه‌ى كه هه‌یانه پاره‌یان بۆ ته‌رخان ناكرێت.