دەنگ نێت
لەماوەی ١١ مانگدا لەسەر رێگای کەلار- دەربەندیخان و دەربەندیخان- زەڕایەن، بەهۆی ۱۰۲ روداوی هاتوچۆوە ۲۷ کەس گیانیان لەدەست داوە.
بەپێی ئامارێک کە رادیۆی دەنگ لە بەڕێوبەرایەتی هاتوچۆی گەرمیان و بەڕێوبەرێتی هاتوچۆی دەربەندیخانەوە دەستی کەوتوە، لەماوەی ١١ مانگی رابردودا (لە سەرەتای ساڵەوە تا کۆتایی مانگی ١١ـی ٢٠٢٢) لەسنوری ئەو دو بەڕێوبەرایەتیە و لەسەر رێگای کەلار- سلێمانی، ۱۰۲ روداوی هاتوچۆ رویانداوە، بەو هۆیەوە ۲۷ کەس گیانیان لەدەست داوە و ۱٤۹ کەس بریندار بون.
لەئامارەکەی هاتوچۆی دەربەندیخان و گەرمیاندا هاتوە، ٦۱ لەروداوەکان پێکدادان بون و ۳۷ روداویشیان وەرگەڕان و ٤ روداویشیان شێلان بوە.