دەنگ نێت
پاش ئەوەی هەوڵەکانیان بۆ رازیکردنی ئەو ماڵانەی کە دەکەونە ناو پرۆژەی رێگای پشتێنەی کەلارەوە، بەڕێوبەری گشتی شارەوانیەکانی گەرمیان دەڵێت چاوەڕێی لیژنەیەکی وەزارەتی کشتوکاڵین بۆ ئەوەی ئەو زەویانە بخرێتە سەر شارەوانی گردەگۆزینە.
لە ساڵی ٢٠١٤ەوە تا ئێستا گرفتی ژمارەیەک ماڵ کە دەکەونە سەر بەشی کۆتایی قۆناغی سێیەمی ڕێگای پشتێنەیی کەلار چارەسەر نەکراوە و فەرمانگەکانی گەرمیانیش لەو بارەیەوە چەندین جار کۆبونەتەوە و رایانگەیاندوە کە ئەو گرفتە چارەسەر دەکەن، بەڵام نەکراوە.
بەرزان کەریم، بەڕێوبەری گشتی شارەوانیەکانی گەرمیان بە رادیۆی دەنگی وت: لە ئێستادا چاوەڕوانی وەزارەتی کشتوکاڵین لە رێگەی لیژنەیەکی تایبەتەوە روپێوی بۆ ئەنجامبدات بۆ گواستنەوەیان بۆ سەر شارەوانی گردەگۆزینە.
ئاماژەی بەوەشکرد: دواتر لە لایەن دادگاوە بڕیار لەسەر قەرەبوکردنەوەی ئەو ماڵانە دەدرێت.