دەنگ نێت
ھاوکات لەگەڵ بانگەشەی ھەڵبژاردن دا، ئەندامی سەرکردایەتی یەکێتی لە کەلار دەچێتە خوێندنگەیەک و کۆبونەوە لەگەڵ مامۆستایانی دەکات.
پەیجی بەڕێوبەرایەتی پەروەردەی کەلار بڵاویکردوەتەوە: ئەمڕۆ دوشەممە عەدنانی حەمەی مینا ئەندامی سەرکردایەتی یەکێتی و م. عەدالەت لەتیف بەڕێوبەری پەروەردەی کەلار سەردانی ئامادەیی شەهید بورهانی حەمەی مینایان کردوە، کە ئامادەییەکە بە ناوی برایەکی شەھیدی ئەو ئەندام سەرکردایەتیەی یەکێتییەوە ناونراوە.
بە وتەی خۆیشی، ئەندامەکەی سەرکردایەتی یەکێتی، کۆبونەوەی لەگەڵ مامۆستایان کردوە و "بەڵێنی بەمامۆستایان و دەستەی کارگێڕی قوتابخانەکە داوە هاوکار و پاڵپشتیان بێت" و ھەندێک پێداویستی خوێندنگەکە دابین بکات.
ئەمەش لەکاتێکدایە ناوبراو یەکێکە لەو سەرکردانەی یەکێتی کە بەشداریی لە ھەڵمەتی بانگەشەی ھەڵبژاردنی پارلەمانی عێراق لە سنوری گەرمیاندا کردوە.
