ده‌نگ نێت
به بیانوى نه‌بونى پاره‌وه وه‌زاره‌تى دارایی ره‌تیده‌كاته‌وه پاره بۆ چاككردنه‌وه‌ى ستونه‌كانى روناككردنه‌وه له قه‌زاى كفرى خه‌رجبكات.
زۆرینه‌ى ستونه‌كانى روناككردنه‌وه‌ى سه‌رشه‌قامه‌كانى قه‌زاى كه‌لار و قه‌زاى كفرى له كاركه‌وتون، حكومه‌ت به‌ڵێنى خه‌رجكردنى ٢٠٠ ملیۆنى بۆ چاككردنه‌وه‌ى ستونى روناككردنه‌وه‌ى سه‌ر شه‌قامه‌كانى كه‌لار ته‌رخانكردوه.
له‌باره‌ى خه‌رجكردنى پاره بۆ چاككردنه‌وه‌ى ستونه‌كانى روناككردنه‌وه‌ى شه‌قامه‌كانى قه‌زاى كفرى، ئالان ئەرکان، وتەبێژی بەڕێوبەرایەتی گشتى کارەبای گەرمیان به رادیۆى ده‌نگى راگەیاند: دەرخستەمان پێشکەش بە وەزارەتی کارەبای هەرێـم کردوە بۆدابین کردنی ٢٠٠ ملیۆن دینار، بەڵام لەماوەی ٢هەفتەی رابردودا وەزارەتی دارایی بە بیانوی نەبونى بودجەوە رەتیکردۆتەوە هیچ بڕە پارەیه‌ك بۆ گۆڕێنی ستونەکانی روناکی شەقامەکانی قەزای کفری تەرخانبکات.