ده‌نگ نێت
سه‌رۆكى زانكۆى پۆلى ته‌كنیكى سلێمانى له‌باره‌ى گۆڕینى ناوى په‌یمانگاى ته‌كنیكى كه‌لاره‌وه رونكردنه‌وه ده‌دات و ده‌ڵێت ئه‌و به‌شانه‌ى دیكه‌ى په‌یمانگاكه له كه‌لار هه‌بون ده‌مێننه‌وه‌و كۆلیجیشی بۆ زیاد ده‌كرێت.
د. ئالان فه‌ره‌یدون، به رادیۆى ده‌نگى وت: گۆڕینى ناوى په‌یمانگاى ته‌كنیكى كه‌لار بۆ كۆلێجى ته‌كنیكى بۆ ئه‌وه‌یه كه له‌مه‌ودا له چه‌ند به‌شێكى كۆلێجه‌كه بروانامه‌ى به‌كالۆریۆس ده‌درێته ده‌رچوان، ئه‌گینا به‌شه‌كانى دیكه‌ى په‌یمانگاكه‌ش وه‌ك خۆى ده‌مێنێته‌وه.
ئاماژه‌ى به‌وه‌شكرد: به پێی تواناى كۆلێجه‌كه ئه‌و به‌شانه‌ى پێویستیه‌كانى ته‌واو بێت فێرخواز بۆ كۆلێج وه‌رده‌گرێت وبڕوانامه‌ى به‌كالۆریۆس ده‌به‌خشێته ده‌رچوانى.
وتیشى: گۆرینى ناوى په‌یمانگاكه به كۆلێج به‌واتاى داخستنى به‌شه‌كانى دیكه‌ى په‌یمانگاكه نایه‌ت و هیچ به‌شێكى په‌یمانگاكه داناخرێت.