دەنگ نێت
بەڕێوبەری گشتی شارەوانییەکانی گەرمیان دەڵێت: هەمو ئەو فەرمانبەرانەی میلاکی حکومەتی هەرێمن و لە ناوچە کوردستانیەکانی دەرەوەی ئیدارەی هەرێم دەوام دەکەن، لە سنوری گەرمیان زەوییان پێدەدرێت.
بەرزان کەریم، بۆ رادیۆی دەنگ باسی لەوەکرد: هەمو ئەو فەرمانبەرانەی کە میلاکی حکومەتی هەرێمن و لە ناوچە کوردستانیەکانی دەرەوەی ئیدارەی هەرێم دەوام دەکەن لەو فەرمانگانەی کە لە سەر بە گەرمیانن، حسابی فەرمانبەرانی دانیشتوی گەرمیانیان بۆ دەکرێت لە پێدانی زەوی دا.
وتیشی: ئەو ناوچانەش وەک خانەقین و دوزخورماتو و ناحیەکانیان، لە سنوری ئەو شارەوانیانە کە نزیکن لێیانەوە زەوییان پێدەدرێت.
لەبارەی ژمارەی ئەو فەرمانبەرانەشەوە، دەڵێت: لە ئێستادا رون نیە ژمارەی ئەو فەرمانبەرانە چەندن، بەڵام لە خانەقین باسی زیاتر لە ٥ هەزار فەرمانبەر دەکرێت.