دەنگ نێت
بۆ ئه‌مساڵى خوێندن زانكۆى گه‌رمیان ئاماده نیه مامۆستاى وانه‌بێژ بۆ زانكۆكه وەربگرێت، به‌ڕێوبه‌رى راگه‌یاندنى زانكۆكه‌ش ده‌ڵێت: هۆكاره‌كه‌ى گرفتى داراییه.
ده‌شتى عه‌لى، به‌ڕێوبه‌رى به‌شى راگه‌یاندنى زانكۆى گه‌رمیان بۆ رادیۆى ده‌نگ وتى: له دواین كۆبونه‌وه‌ى ئه‌نجومه‌نى زانكۆماندا بڕیاردراوه بۆ ئه‌مساڵى خوێندن هیچ مامۆستایه‌ك له ده‌ره‌وه‌ى زانكۆ به‌مه‌به‌ستى وانه‌بێژى نه‌هێنرێته زانكۆ، بۆ ئه‌و مه‌به‌سته‌ش بڕیاردراوه پشت به ستافى ناخۆى زانكۆكه ببه‌سترێت بۆ پڕكردنه‌وه‌ى به‌شه وانه‌كان.
ده‌شڵێت: هۆكارى ئه‌مه‌ش بۆ ئه‌وه ده‌گه‌ڕێته‌وه كه زانكۆمان گرفتى دارایی هه‌یه كه داهاتمان دیاریكراوه و ناتوانرێت كرێى وانه‌بێژى بۆ ئه‌و مامۆستایانه دابین بكات، بۆیه ناچارین پشت به ستافى خۆمان ببە‌ستین.
جه‌ختى له‌وه‌شكرده‌وه: رەنگە تەنها هه‌ندێك پسپۆڕیی نه‌بێت كه ده‌گمه‌نن و زانكۆمان پێویستى پێى ده‌بێت بە وانەبێژیی وەربگیرێن.