بڕیارەکەی وەزارەتی تەندروستی بۆ دەستبەسەرداگرتنی دەرمان نەگەیشتوەتە گەرمیان

2024/05/16 - 08:03 | 114 جار بینراوە    
 
دەنگ نێت
 
بەپێی بڕیارێکی وەزارەتی تەندروستی هەرێمی کوردستان، هەمو دەرمان و پێداویستیەکی پزیشکیی بێ پشکنین و رەزامەندی کوالێتی کۆنترۆڵ، بە دەرمانی نایاسایی و قاچاغ دادەنرێت، سەرۆکی لیژنەی هاوبەشەکانی قایمقامیەتی قەزای کەلاریش: چاوەڕێین نوسراومان بۆ بکرێت.
 
وەزارەتی تەندروستی هەرێمی کوردستان لە بڵاوکراوەیەکدا رایگەیاندوە: هەر دەرمان و پێداویستییەکی پزیشکیی بەبێ پشکنین و رەزامەندی کوالێتی کۆنترۆڵ بێت، بە دەرمانی نایاسایی و قاچاخ دادەنرێت و مامەڵەی تاوانی لەگەڵدا دەکرێت.
 
پشتیوان حەسەن، سەرۆکی لیژنە هاوبەشەکانی قایمقامیەتی قەزای کەلار، بە رادیۆی دەنگی وت: بەڵێ ئاگاداری ئەو بڕیارەین، بەڵام بە فەرمیی بەدەستمان نەگەیشتوە و چاوەڕێین نوسراومان پێبگات.
 
دەشڵێت: هەرکات نوسراومان بەدەست گەیشت و ناوەڕۆک و داواکاریەکانیمان بینی، لیژنەکانمان دەست دەکەن بە لێکۆڵینەوە و چاودێریی.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,818,661     ژمارەی میوان 1636