ده‌نگ نێت
بۆماوه‌ى هه‌فته‌یه‌كه پرۆسه‌ى دابه‌شكردنى نه‌وتى سپى ماڵان له گه‌رمیان راگیراوه، لێپرسراوى هۆبه نه‌وتیه‌كان له به‌ڕێوبه‌رایه‌تى نه‌وتو كانزاكانى سنوره‌كه‌ش ده‌ڵێت: هۆكاره‌كه‌ى ته‌سفیه نه‌كردنى حساباتى كۆمانیاكه‌یه.
سالار مه‌حمود، لێپرسراوى هۆبه نه‌وتیه‌كان له به‌ڕێوبه‌رایه‌تى نه‌وت و كانزاكانى گه‌رمیان، بۆ رادیۆى ده‌نگ وتى: له یه‌كشه‌مه‌ى هه‌فته‌ى رابردوه‌وه پرۆسه‌ى دابه‌شكردن نه‌وت راگیراوه، هۆكاره‌كه‌شى سولفه‌ى پاره‌كانى كۆمپانیایه كه وه‌رینه‌گرتوه.
وتیشى: له ماوه‌ى 15 رۆژى به‌ڕێوه‌چونى پرۆسه‌كه‌دا له سنورى گه‌رمیان، 5 هه‌زار و 643 هاوڵاتى سودمه‌ند بون له وه‌رگرتنى نه‌وت.
هێماى بۆ ئه‌وه‌شكرد: تاوه‌كو ئێستا 1 ملیۆن و 250 هه‌زار لیتر نه‌وتمان بۆ هاتوه و وه‌رمان گرتوه.