دەنگ نێت
لێپرسراوى هۆبه نه‌وتیه‌كان له به‌ڕێوبه‌رایه‌تى نه‌وت و كانزاكانى گه‌رمیان ده‌ڵێت: ئه‌و هاوڵاتیانه‌ى تازه هاوسه‌رگیریان كردوه و مامه‌ڵه‌ى فۆرمى خۆاكیان كردوه بۆ ئه‌مساڵ، ده‌توانن سودمه‌ند بن له وه‌رگرتنى نه‌وت.
سالار مه‌حمود، لێپرسراوى هۆبه نه‌وتیه‌كان له به‌ڕێوبه‌رایه‌تى نه‌وت و كانزاكانى گه‌رمیان بۆ رادیۆى ده‌نگ وتى: ئه‌و هاوڵاتیانه‌ى تازه هاوسه‌رگیریان كردوه روبه‌روى كۆمپانیاى خۆراكى گه‌رمیانیان ده‌كه‌ینه‌وه كه مامه‌ڵه‌كانیان له‌وێیه، له برى فۆرمه‌كه‌یان به‌دیل فۆرمێكیان پێده‌درێت، ئێمه ئه‌وه حسابى فۆرمى بۆ ده‌كه‌ین له‌گه‌ڵ كۆپیه‌كى كارتى نیشتیمانى لێیان وه‌رده‌گرین و نه‌وته‌كه‌یان پێده‌درێت.
وتیشى: به مه‌رجێك نه‌وت ده‌درێت به‌و هاوڵاتیانه ده‌بێت مامه‌ڵه‌ى فۆرمى خۆراكیان كردبێت، ئه‌گه‌ر نا ناتوانن سودمه‌ند بن.