سەندیکای کارمەندانی تەندروستی گەرمیان: ئالیەتێک بۆ دەوامی کارمەندانی تەندروستی دەدۆزینەوە

2023/10/01 - 10:54 | 149 جار بینراوە    
 
دەنگ نێت
 
دواى ئه‌وه‌ى کارمەندانی تەندروستی سلێمانى بایكۆتیان شکاند، سه‌رۆكى لقى گه‌رمیانى سه‌ندیكاى كارمه‌ندانیش جه‌خت له‌وه‌ ده‌كاته‌وه‌: کۆبونەوە دەکەین بۆ دۆزینەوەی ئالیه‌تێك بۆ ده‌وامكردنى كارمه‌ندان، ئه‌گه‌ر دۆخه‌كه‌ خراپتر بو بایكۆت ده‌ستپێده‌كاته‌وه‌.
 
عه‌دنان ئه‌حمه‌د، سه‌رۆكى لقى گه‌رمیانى سه‌ندیكاى كارمه‌ندانى ته‌ندروستى، بۆ رادیۆى ده‌نگ وتى: بایكۆت هه‌ڵناپه‌سێردرێت، به‌ڵكو ئالیه‌تێك داده‌نرێت بۆ ده‌وامكردنى كارمه‌ندان به‌ جۆرێك ببێت به‌ تناوب، چونكه‌ پزیشكان گه‌ڕاونه‌ته‌وه‌ سه‌ر كاره‌كانیان له‌ نه‌خۆشخانە‌ و مه‌ڵبه‌نده‌كان.
 
وتیشى: له‌گه‌ڵ به‌ڕێوبه‌رانى نه‌خۆشخانه‌كان و مه‌ڵبه‌ند و سه‌نته‌ره‌كان كۆ ئه‌بینه‌وه‌ بۆ ئه‌و مه‌به‌سته‌.
 
هێماى بۆ ئه‌وه‌شكرد: ئه‌و ئالیه‌ته‌ى كه‌ دایده‌نێین ئه‌وه‌ تا ماوه‌یه‌كى كاتیه‌ تاوه‌كو بزانین دۆخه‌كه‌ چى لێدێت، ئه‌گه‌ر خراپتر ببێت ئه‌وه‌ بۆ جارێكى دیكه‌ بایكۆت ده‌ستپێده‌كه‌ینه‌وه‌ به‌ ته‌واوه‌تى.



Dengnet.net - 2023
دروستکراوە لەلایەن کۆمپانیای (کۆدتێك)ەوە
ژمارەی سەردان 1,515,845     ژمارەی میوان 1187