|
فەرمانبەرێک لە کەلار بە روداوی هاتوچۆ گیانی لەدەستدا
2023/09/13 - 09:45
|
381
جار بینراوە
دەنگ نێت
ئه‌و هاوڵاتیه‌ى شه‌وى رابردو به روداوێكى هاتوچۆ له‌سه‌ر رێگه‌ى پشتێنه‌یى كه‌لار گیانى له‌ده‌ستدا، ناسنامه‌كه‌ى ئاشکرا بو و ئافره‌تێكى ته‌مه‌ن 42 ساڵه و فه‌رمانبه‌ره له به‌ڕێوبه‌رایه‌تى گشتی وه‌به‌رهێنانى گه‌رمیان.
شه‌وى رابردو به‌هۆى پێكدادانى دو ئۆتۆمبێلی جۆری مارسیدس ئەکترۆز بارهەڵگر و نیسان سەنترا لە سەر ڕێگای پشتێنەی شاری کەلار، شۆفێری ئۆتۆمبێلی جۆری نیسان سەنترا بەسەختی برینداربو، بەهۆی سەختی برینەکەیەوە پێش گەیشتنی بە نەخۆشخانەی فریاکەوتنی شەهید هەژار له‌كه‌لار، گیانی لە دەستدا.
سامان عه‌لى، وته‌بێژى به‌ڕێوبه‌رایه‌تى هاتوچۆى گه‌رمیان بۆ رادیۆى ده‌نگ وتى: سەرەتا ناسنامەی قوربانیەکە نەزانرا، بەڵام دواتر ناسنامەکەی ئاشکرا بو کە ئافره‌تێكه به‌ناوى (شه‌رمین ساڵح فه‌ره‌ج)، لەدایکبوی 1981 و دانیشتوى گه‌ره‌كى جوتیارانى قه‌زاى كه‌لاره، هاوكات فه‌رمانبه‌رى به‌ڕێوبه‌رایه‌تى وه‌به‌رهێنانى گه‌رمیانه.
وتیشى: شۆفێری ئۆتۆمبێلە بارهەڵگره‌كه بەپێی مادەی 24ـى هاتوچۆ راگیراوە.
|