دەنگ نێت
نزیکەی ۷۰ حاڵەتی سکچون و رشانەوە داخلی نەخۆشخانەی قەڵا کراون، بەڕێوبەری نەخۆشخانەکەش دەڵێت: هێشتا دڵنیانین کۆلێرایان هەبێت.
د. حارس محەمەد، بەڕێوبەری نەخۆشخانەی گشتی کەلار/ قەڵا، بە رادیۆی دەنگی راگەیاند: نزیکەی ۷۰ نەخۆش داخلی نەخۆشخانەی قەڵا کراون بە مناڵەکانیشەوە هەمویان سکچون و رشانەوەیان لەگەڵە.
وتیشی: تاوەکو ئێستا نازانین حاڵەتی کۆلێرامان هەیە یاخود نیمانە، سامپڵمان ناردوە بۆ تیمی پزیشکی تاقیگەی نەخۆشخانەی قەڵا، چاوەڕێی ئەکەین لەم یەک دو رۆژە ئەنجامەکانمان بۆ دەربچێت بۆ ئەوەی بزانین کۆلێرایە یاخود نا.
جەختیشی کردەوە: ئەوانەی داخلی نەخۆشخانەکە ئەبن هەمویان گومانلێکراون و پشکنینیان بۆ دەکەین.