لەکەلار کچێک بە 'خنکان' گیانی لەدەستدا

2023/05/22 - 01:50 | 942 جار بینراوە    
 
دەنگ نێت
 
بەیانی ئەمڕۆ کچێک لە کەلار بەخنکاوی هێنراوەتە بەشی پزیشکی دادوەریی، پۆلیسی گەرمیانیش بە پشت بەستن بە وتەی کەسوکارەکەی دەڵێت: خۆی خنکاندوە.
 
بەپێی زانیاریەکانی رادیۆی دەنگ، کچەکە ناوی (م.ا.س)ـە و دانیشتوی گەڕەکی کەلاری کۆنە و تەمەنی چواردە ساڵە و فێرخوازە، بەیانی ئەمڕۆ تەرمەکەی گەیەنراوەتە نەخۆشخانەی فریاکەوتن و پاشان رەوانەی پزیشکی دادوەریی کراوە.
 
لایخۆشیەوە پەیجی پۆلیسی گەرمیان لە فەیسبوک، لەسەر زاری کەسوکارەکەیەوە بڵاویکردوەتەوە: "ناوبراو هیچ کێشەیەکی دیاریکراوی نەبوە و ناشزانن بەچی هۆکارێک لەماڵی خۆیان  خۆی هەڵواسیوە و لەئەنجامدا گیانی لەدەستداوە".
 
پێشتریش لەبارەی ئەوەی سروشتی روداوەکە چۆنە، عەلی جەمال قەدوری، وتەبێژی پۆلیسی گەرمیان، بە رادیۆی دەنگی راگەیاندبو: لێکۆڵینەوە لە روداوەکە بەردەوامە.
 

 




Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,241     ژمارەی میوان 388