دەنگ نێت
بڕیار بو كاره‌بای نیشتیمانی بۆ 23 گوند له گه‌رمیان رابكێشرێت، جارێک بانگەواز بۆ پرۆژەکە کراوە، بەڵام بۆ هیچ کۆمپانیایەک دەرنەچوە و جارێکی تر بانگەواز بۆ پرۆژەکە کراوەتەوە.
ئالان ئه‌ركان، وته‌بێژی بەڕێوبەرایەتی گشتی كاره‌بای گه‌رمیان، به رادیۆی ده‌نگی راگه‌یاند: جاری یەکەم له ئیداره‌ی گه‌رمیان بانگه‌واز بۆ كۆمپانیاكان كراوه بۆ ئه‌وه‌ی بێن ته‌نده‌ری پرۆژەكه وه‌ربگرن، به‌ڵام تەندەرەکە بۆ هیچ کۆمپانیایەک دەرنەچوە، ئێستا تەندەری دوەم راگەیەنراوە و بڕیارە ٣١ـی ئەم مانگە بکرێتەوە و ئاشکرا بکرێت.
جگه له راكێشانی كاره‌با بۆ 23 گوند له گه‌رمیان، چاره‌سه‌ركردنى گرفتى ئاوى خواردنەوەی ناحیه‌ى باوه‌نوریش بانگەوازی بۆ كراوه و هیچ کۆمپانیایەک وه‌ری ناگرێت، ئەوەش به هۆكارى قه‌یرانى دارایی و ترس له خه‌رجنه‌كردنى سولفه‌ى پرۆژه‌كان، كه وایكردوه كۆمپانیاكان ئاماده نه‌بن پرۆژه‌كه وه‌ربگرن.