بەڕێوبەرایەتی ڤێتەرنەریی گەرمیان: دوکانی مریشک فرۆشەکان نایاساییە

2023/05/17 - 08:06 | 272 جار بینراوە    
 
دەنگ نێت
 
لیپرسراوى هۆبه‌ى كوشتارگه‌كان له‌ به‌ڕێوبه‌رایه‌تى ڤێته‌رنه‌رى گه‌رمیان ده‌ڵێت: دوكانى مریشك فرۆشه‌كان كه‌ كراوه‌ته‌وه‌ له‌ گه‌رمیان‌ له‌لایه‌ن ئێمه‌وه‌ مۆڵه‌تیان نیه‌ و كردنه‌وه‌شیان نایاساییه‌.
 
د. دلێر محه‌مه‌د، بۆ رادیۆى ده‌نگ وتى: دوكانى مریشك فرۆشه‌كان له‌ گه‌رمیان نه‌ له‌لایه‌ن وه‌زاره‌تمانه‌وه‌ نه‌ له‌لایه‌ن به‌ڕێوبه‌رایه‌تیمانه‌وه‌ مۆڵه‌تیان نیه‌ و كردنه‌وه‌شیان نایاساییه‌، به‌ڵام به‌هۆى بارودۆخ و گوزه‌رانى هاوڵاتیان و داخوازى هاوڵاتیان له‌سه‌ر ئه‌وه‌ى كه‌ ده‌یه‌وێت گۆشتى مریشكێك به‌كاربهێنێت تازه‌ بێت، كراونه‌ته‌وه‌، ئه‌گه‌رنا به‌بێ رێنماى ئێمه‌ كراونه‌ته‌وه‌.
 
وتیشى: له‌گه‌ڵ ئه‌وه‌شدا له‌گه‌ڵ هه‌ر ده‌رچونێكى لیژنه‌كانماندا سه‌ردانى دوكانى مریشك فرۆشه‌كان ده‌كه‌ن، ته‌نانه‌ت مریشكى نه‌خۆش هه‌بوه‌ ده‌ستیان به‌سه‌ردا گرتوه‌، سه‌رچاوه‌ى مریشكه‌كه‌شیان دۆزیوه‌ته‌وه‌ و سزا دراوه‌.
 
هێماى بۆ ئه‌وه‌شكرد: له‌ روى پاكوخاوێنى و مۆڵه‌تى ته‌ندروستیان كه‌ هی ئێمه‌ نیه‌، به‌دواداچون ده‌كه‌ن.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,667     ژمارەی میوان 794