دەنگ نێت
بەرپرسی مەڵبەندی گەرمیانی کۆمەڵی دادگەریی دەڵێت: تەنها یەک پۆستمان لە حکومەتی خۆجێی گەرمیان هەیە و پابەند دەبین بە کشانەوەمان لێی.
کۆمەڵی دادگەریی کوردستان بڕیاریدا بەکشانەوەیان لە پارلەمان حکومەتی خۆجێی و ئەنجومەنی پارێزگاکانیشدا.
لەگەرمیان تەنها پۆستی بەڕێوبەری ناحیەی باوەنور بەرکەوتەی کۆمەڵی دادگەرییە.
حەسەن محەمەد، بەرپرسی مەڵبەندی گەرمیانی کۆمەڵی دادگەریی، بە رادیۆی دەنگی وت: ئەو بڕیارە دراوە و داواکراوە سەرجەم بەرپرسانمان دەست لەکارکێشانەوە پێشکەش بکەن، هیچ کەسیش لاری نیە لە جێبەجێکردنی.
لەبارەی ئەوەی کەی دەستلەکارکێشانەوە پێشکەش دەکرێت؟ وتی: هێشتا کاتمان دیاری نەکردوە، دەکەوێتە سەر خودی کاری بەڕێوبەری ناحیەکە، پاشانیش رێکاری پێویست دەگیرێتەبەر.