شارەوانی کەلار: ١٠٠ دۆسیەی زیادەڕەوییمان لە دادگایە

2022/11/07 - 11:45 | 145 جار بینراوە    
 
دەنگ نێت
 
سەرۆكى شاره‌وانى كه‌لار ده‌ڵێت: سه‌روى 100 دۆسیه‌ى زیاده‌ره‌ویمان له‌ دادگایه‌، به‌شێكیان کاریان تێدادەکرێ و بەشێکیان دادەخرێن.
 
ئه‌كره‌م ساڵح، سه‌رۆكى شاره‌وانى كه‌لار، له‌مباره‌یه‌وه‌ بۆ رادیۆى ده‌نگ وتى: سه‌روى 100 دۆسیه‌ى زیاده‌ره‌ویمان له‌ دادگایه‌، به‌شێكیانى رێكارى یاساى خۆیان وه‌رگرتوه‌ و لابراون، به‌شێكیشیان به‌هۆى هه‌مواركردنه‌وه‌ى یاساى زیاده‌ڕه‌وى كه‌ ژماره‌ 7ـی ساڵى 2021ـەوە له‌ رێكارى داخستنى دۆسیه‌كانیانین.
 
وتیشى: هه‌ندێكى تر له‌و دۆسیانه‌ له‌ رێكارى یاسایدان و یه‌كلانه‌بونه‌ته‌وه‌، ته‌نانه‌ت فه‌رمانى ده‌ستگیركردنیش هه‌یه‌ بۆ كه‌سانى زیاده‌ڕه‌ویكار.
 
هێماى بۆ ئه‌وه‌شكرد: ئه‌م زیاده‌ڕه‌ویانه‌ش مه‌رج نیه‌ ته‌نها دروستكردنى خانوبن، به‌ڵكو زیاده‌ڕوى سه‌ر شۆسته‌ و شه‌قام و دوكان و دروستكردنى سیاج و باخچە‌شى تێدایه‌.



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,691     ژمارەی میوان 37