دەنگ نێت
كاره‌باى گه‌رمیان ئاشکرای دەکات ئاماده‌كارى كراوه بۆ جێبه‌جێكردنى سیسته‌مى پریپه‌ید بۆ کارەبای نیشتمانی و سه‌ره‌تاش له گوندە نیشتەجێبونەکان (سیتیه‌كان)ـەوە ده‌ستپێده‌كات.
ئالان ئه‌ركان، وته‌بێژى بەڕێوبەرایەتی گشتی كاره‌باى گه‌رمیان له‌مباره‌یه‌وه بۆ رادیۆى ده‌نگ وتى: سیسته‌مى پریپه‌یدى وه‌زاره‌تى كاره‌با كه به‌شێوه‌ى كارت كاره‌با ده‌درێت به هاوڵاتیان، سه‌ره‌تا له پارێزگاى هه‌ولێر و دهۆك چوە بوارى جێبه‌جێكردنه‌وه و ئێستاش له پارێزگاى سلێمانى كارى پێده‌كرێت.
وتیشى: له سنورى گه‌رمیانیش ئاماده‌كارى بۆ كراوه و سه‌ره‌تا له گوندەکانی نیشتەجێبون (سیتیه‌كان)ـەوە ده‌ستپێده‌كات و كارى له‌سه‌ر ده‌كرێت، له ئاینده‌یه‌كى نزیكدا له هەمو گه‌رمیان ده‌ست به جێبه‌جێكردنى ئه‌و سیسته‌مه ده‌كرێت.
سیستەمی پریپەید (کارت) بەشێوەیەک کاردەکات کە هاوڵاتی بەپێچەوانەی ئێستاوە کە دوای بەکارهێنان پارە دەدات، دەبێت پێش بەکارهێنان کارتی پریپەید بکڕێت و بەگوێرەی گوژمەی کارتەکە کارەبای پێدەدرێت.