به‌ڕێوبه‌رى ئاوی ژێر زه‌وی گه‌رمیان: پێوه‌ر له‌سه‌ر بیره‌كانى ئاو داده‌نرێت

2022/10/30 - 04:37 | 174 جار بینراوە    
 
ده‌نگ نێت
 
بەڕێوبەری ئاوی ژێرزەوی گەرمیان دەڵێت: وەزارەتی کشتوکاڵ پێوەر لەسەر بیرە ئاوەکان دادەنێیت،  بۆ ئەم مه‌به‌سته‌ش داتای بیرە نایاسایی و یاساییەکانمان پێشکەش کردوە.
 
لە سنوری گەرمیان زیاتر لە ١٦٠٠ بیری یاسایی هەن، بەڕێوبەری ئاوی ژێرزەوی گەرمیان، حامد جومعە، بە رادیۆی دەنگی وت: بیرە نایاسایەکانیش ئەوەی تاوه‌کو ئێستا داتامان لەسەر کۆکردۆتەوە، ١١٠٠ بیری نایاساین.
 
هاوکات دەشڵێت: ئێستا وەزارەتی کشتوکاڵ لەهەوڵی رێکخستنەوەی ئەو بابەتەدایە، بەجۆرێک پێوەری ئاو لەسەر بیرە نایاسایی و یاساییەکان دابندرێت.
 
بەشێکی زۆری ئەو بیرە نایاساییانەی لەگوندەکان هەن، بیری کەم قوڵن، لەگەڵیشیدا لە دەوروبەری شارەکان لە نێو باخ و سیاجەکاندا ژمارەیەکی زۆری  بیری نایاسایی هەن.
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,756     ژمارەی میوان 44