مەڵبەندی گەرمیانی یەکێتی: هیچ بەرنامەیەک نیە بۆ ئاڵوگۆڕی پۆستەکان لەگەڵ گۆڕان

2022/10/27 - 11:28 | 137 جار بینراوە    
 
دەنگ نێت
 
وته‌بێژى مه‌ڵبه‌ندى گه‌رمیانى یه‌كێتى ده‌ڵێت: هیچ به‌رنامه‌یه‌ك نیه‌ له‌ ئێستادا بۆ ئاڵوگۆڕكردنى پشك و پۆستەکان له‌ نێوان یه‌كێتى و بزوتنه‌وه‌ى گۆڕاندا، به‌ڵكو چاوه‌ڕوانى ده‌رئه‌نجامى كۆبونه‌وه‌ و دانوستانه‌كانین له‌ ئاستى باڵادا. 
 
ئه‌كره‌م ساڵح، وته‌بێژى مه‌ڵبه‌ندى ١١ـی رێكخستنى گه‌رمیانى یه‌كێتى نیشتمانی، بۆ رادیۆى ده‌نگ وتى: هیچ به‌رنامه‌یه‌ك نیه‌ له‌ ئێستادا و هیچ دانیشتنێكمان نه‌كردوه‌ سه‌باره‌ت به‌ پشك و پشككارى و به‌ركه‌وته‌ى گۆڕان و یه‌كێتى بۆ ئاڵوگۆڕكردنى پۆسته‌كان له‌ ئاستى حكومه‌تى خۆجێى گه‌رمیاندا.
 
وتیشى: ئه‌وه‌ى زانیاریم هه‌بێت هه‌ردولا پابه‌ند و وابه‌سته‌ى بڕیار و راسپارده‌كانى لیژنه‌ى باڵای یه‌كێتى و گۆڕانین له‌ سه‌ر ئاستى پارێزگاى سلێمانى له‌سه‌ر پشكه‌كان. 
 
جه‌ختى له‌وه‌شكرده‌وه‌: بۆیه‌ ئێمه‌ چاوه‌ڕوانى ده‌رئه‌نجامى كۆبونه‌وه‌ و دانوستانه‌كانى یه‌كێتى و بزوتنه‌وه‌ى گۆڕانین له‌ ئاستى باڵا. 
 
لەگەرمیان یەکێتی و گۆڕان لە ساڵی ٢٠١٤ـەوە رێککەوتنیان کرد بۆ دابەشکردنی پۆستە ئیدارییەکانی سنورەکە، لەو چوارچێوەیەدا پۆستی جێگری سەرپەرشتیاری ئیدارەی گەرمیان و قایمقامیەت و ٣ بەڕێوبەری گشتی و بەڕێوبەرێک و ٢ بەڕێوبەری ناحیە.
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,644     ژمارەی میوان 39