تەندروستی گەرمیان داوای داهاتی پەروێزخان دەکات

2022/10/17 - 12:05 | 240 جار بینراوە    
 
دەنگ نێت
 
له‌ نێو نه‌خۆشخانه‌كانى گه‌رمیاندا گرفتى كه‌مى ده‌رمان و پێداویستى پزیشكى و تاقیگەیى سه‌رى هه‌ڵداوه‌ته‌وه‌ و تاوه‌كو ئێستا چاره‌سه‌ر نه‌كراوه‌، ته‌ندروستى گه‌رمیانیش ده‌ڵێت: داوامان كردوه‌ له‌ رێگه‌ى داهاتى مه‌زرى په‌روێزخانه‌وه‌ مانگانه‌ 750 ملیۆن دینارمانمان بۆ ته‌رخان بكه‌ن.
 
كێشه‌ى كه‌مى ده‌رمان و پێداویستى پزیشكى و تاقیگه‌یى و دابین نه‌كردنى خواردن بۆ نه‌خۆشخانه‌كان و كێشه‌ى خزمه‌تگوزارى دیکە، بۆ ماوه‌ى مانگێكه‌ له‌ نێو نه‌خۆخشانه‌ حكومیەكانى سنورى گه‌رمیان سه‌ریهه‌ڵداوه‌، ئەمەش به‌هۆى خه‌رج نه‌كردنى پاره‌ بۆیان، تاوه‌كو ئێستاش ئه‌و كێشه‌یه‌ چاره‌سه‌ر نه‌كراوه‌. 
 
د. سیروان محه‌مه‌د، به‌ڕێوبه‌رى گشتى ته‌ندروستى گه‌رمیان، له‌مباره‌یه‌وه‌ بۆ رادیۆى ده‌نگ وتى: "داوامانكردوه‌ له‌ داهاتى مه‌رزى په‌روێزخان كه‌ راسته‌وخۆ ده‌چێته‌ بانكى مه‌ركه‌زى سلێمانى و نایەته‌وه‌ بانكى كه‌لار بودجه‌ى ده‌رمان و پێداویستى پزیشكى و تاقیگه‌یى ته‌ندروستى گه‌رمیانمان بۆ دابین بكه‌ن، به‌ڵام تاوه‌كو ئێستا وه‌ڵام نه‌دراوینه‌ته‌وه‌". 
 
هێماى بۆ ئه‌وه‌شكرد: بۆ ئه‌م 3 مانگه‌ى كۆتایی ئه‌مساڵ بۆ هه‌ر مانگێك داواى 750 مليۆن دینارمان كردوه‌ به‌لاى كه‌مه‌وه‌، بۆ ئه‌وه‌ى بتوانین به‌رده‌وامبین له‌ خزمه‌تگوزارى و كۆمپانیاكانیش به‌رده‌وامبن له‌گه‌ڵماندا، كه‌ ئه‌مه‌ش داهاتى چه‌ند رۆژێكى مه‌رزه‌كه‌یه‌.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,680     ژمارەی میوان 805