زۆرینەی پشکنینەکان لە نەخۆشخانەی شەهید شێرەی نەقیب رادەگیرێن

2022/10/16 - 12:19 | 216 جار بینراوە    
 
دەنگ نێت
 
زۆرینەی پشکنینەکانی نەخۆش لە نەخۆشخانەی شێرەی نەقیب بۆ ژنان و مناڵبون لە کەلار راگیراوە، جێگری بەڕێوبەری نەخۆشخانەکەش دەڵێت: بەهۆی نەبونی دەرمان و پێداویستی پزیشکیەوەیە.
 
گۆران محەمەد، جێگری بەڕێوبەری نەخۆشخانەی شەهید شێرەی نەقیب بۆ ژنان و مناڵبون، بە رادیۆی دەنگی وت: ئەو پشکنینانەی راگیراون نزیکەی ١٠ جۆر دەبن لە نمونەی پشکنینی هۆرمۆنات، پشکنینەکانیlh, fsh, غودە، پرۆتین، t3, t4 و .. هتد.
 
وتیشی: هۆکارەکەی بەهۆی نەبونی پێداویستی پزیشکیەوەیە، لە ئێستادا تەندروستی گەرمیان قەرزارە و هیچ کۆگایەکیش ئامادە نیە دەرمانی بەقەرز پێ بدات.
 
ئەمەش لەکاتێک دایە، پێشتر کۆمپانیای (پەیسمەیکەر) کە تەندەری دابینکردنی دەرمان و پێداویستی پزیشکی تەندروستی گەرمیانی بۆ دەرچوە، رایگەیاند: پارەیەکی زۆریان کە بۆیان کراوە بە چەک، لە بانک بۆیان خەرج ناکرێت، بەوهۆیەشەوە پێدانی دەرمان و پێداویستی پزیشکی بە دەزگا تەندروستییەکانی گەرمیانی راگرتوە.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,372     ژمارەی میوان 518