دەنگ نێت
جارێكى دیكه گرفتى كۆنه‌كردنه‌وه‌ى خۆڵ و خاشاك له گه‌رمیان سه‌رهه‌ڵده‌داته‌وه و به‌ڕێوبه‌رى گشتى شاره‌وانیه‌كانى گه‌رمیانیش له باره‌ى هۆكاره‌كه‌یه‌وه ده‌ڵێت: خه‌رج نه‌كردنى موچه‌یه له كاتى خۆیدا.
به‌رزان كه‌ریم، به‌ڕێوبه‌رى گشتى شاره‌وانیه‌كانى گه‌رمیان، له‌مباره‌یه‌وه بۆ رادیۆى ده‌نگ وتى: "له هه‌ندێک له گه‌ڕه‌كه‌كان و شاره‌وانیه بچوكه‌كانى گه‌رمیان له‌م مانگه‌دا هه‌ندێك مانگرتن هه‌بوه و كارمه‌ندانى پاكکه‌ره‌وه نه‌چونه‌ته سه‌ر كاره‌كانیان، هۆكاره‌كه‌شى ئه‌وه‌یه له‌م مانگه‌دا ته‌مویلى كۆمپانیان دواكه‌وت كه له ساڵى پار (1ى8ى2021 بۆ 1ى8ى2022) بوه ئه‌وه‌یان بۆ نوێ كراوه‌ته‌وه".
وتیشى: هاوكات ختاب زه‌مانیان نه‌بوه ئه‌وه‌شیان پێ نوێ كراوه‌ته‌وه.
جه‌ختى له‌وه‌شكرده‌وه: هۆكارى كۆنه‌كردنه‌وه‌ى خۆڵ و خاشاك له سنورى گه‌رمیان دواكه‌وتنى موچه‌كانیانه، چونكه له مانگى ئایارەوه موچه‌ى ئه‌م كۆمپانیایه له‌لایه‌ن یه‌كێتیه‌وه دابین ده‌كرێت و له بانك وه‌رى ناگرن، ئه‌مه‌یه گرفته‌كه كه هه‌ندێك جار دوا ده‌كه‌وێت.
به‌پێى ئه‌و زانیاریانه‌ى كه ده‌ست رادیۆى ده‌نگ كه‌وتوه، ئه‌و بڕه پاره‌ى كه له‌لایه‌ن یه‌كێتى نیشتیمانیه‌وه خه‌رج ده‌كرێت بڕى 250 ملیۆن دینارى مانگانه‌یه، به‌ڵام ئیشه‌كانى كۆمپانیا باى 500 ملیۆن دیناره.