گەرمیان؛ ئاسایش پۆلیسێک دەستگیر دەکات

2022/09/22 - 01:52 | 679 جار بینراوە    
 
دەنگ نێت
 
هێزەکانی ئاسایشی گەرمیان کەسێک بە تۆمەتی تەقەکردن دەستگیر دەکەن کە پۆلیسە لە یەکەی پاسەوانی بریکاری وەزیری ناوخۆی هەرێم.
 
بەپێی زانیارییەکانی رادیۆی دەنگ، درەنگانی پێرێ شەو دو ئۆتۆمبێل لەنزیک گوندی تەپەسەوز لە گەرمیان تەقەیان کردوە، خەڵکی گوندەکەش پەیوەندی بە ئاسایشەوە دەکەن، دوای ئەوەی کە مەفرەزەیەکی ئاسایش نزیک دەبێتەوە لەدو ئۆتۆمبێلەکە، ئۆتۆمبێلەکان ناوەستن و تەقە دەکەن، مەفرەزەکەش روبەڕویان دەبێتەوە و  یەکێکیان دەستگیر دەکات.
 
بەپێی زانیاریاریەکانی رادیۆی دەنگ، دەستگیرکراوەکە پۆلیسە و پێشتر لە بەڕێوبەرایەتی پۆلیسی گەرمیان پۆلیس بوە و ئێستا لەیەکەی پاسەوانی چەتۆ ساڵەح، بریکاری وەزیری ناوخۆی هەرێم دەوام دەکات.
 
رادیۆی دەنگ بۆ وەرگرتنی زانیاری زیاتر لەسەر بابەتەکە، پەیوەندی بە عوسمان عەبدولکەریم، وتەبێژی ئاسایشی گەرمیانەوە کرد، بەڵام ئامادە نەبو لێدوان بدات.

 




Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 846,969     ژمارەی میوان 48